Home समाज पाँच महिनामा प्रदेश सरकारको ६१ अर्ब आम्दानी, ३२ अर्ब खर्च

पाँच महिनामा प्रदेश सरकारको ६१ अर्ब आम्दानी, ३२ अर्ब खर्च

by अर्थन्यूज

चालू आर्थिक वर्षको पाँच महिनाको अवधिमा सात वटा प्रदेश सरकारले कुल ६१ अर्ब २७ करोड रुपैयाँ प्राप्ति गरेको छ । प्राप्ति गरेको रकममध्ये प्रदेश सरकारले ६० प्रतिशत खर्च गरेका छ ।

सात वटै प्रदेश कोष तथा लेखा नियन्त्रक कार्यालबाट प्राप्त विवरण केलाउँदै नेपाल राष्ट्र बैंकले प्रदेश सरकारले पाँच महिनाको अवधिमा साे रकम प्राप्ति गरेको उल्लेख गरेको छ ।

प्रदेश सरकारले प्राप्त गरेको रकममा संघीय सरकारले दिने अनुदान र राजस्व बाँडफाँडबाट ३७ अर्ब ४३ करोड रुपैयाँ प्राप्ति गरेको छ ।

त्यस्तै, प्रदेश सरकारको राजस्व गत वर्षको बचत बजेट र अन्य स्रोतबाट २३ अर्ब ८४ करोड रुपैयाँ प्राप्त गरेको छ । 

पाँच महिनाको अवधिमा प्रदेश सरकारले ३२ अर्ब १७ करोड रुपैयाँ खर्च गरेका छन् ।

Facebook Comments

सम्बन्धित खवर

This website uses cookies to improve your experience. We'll assume you're ok with this, but you can opt-out if you wish. Accept Read More