Home कोरोना विशेष इटलीमा स्वास्थ्य संकटकाल आगामी अप्रिल ३० सम्म थपियो

इटलीमा स्वास्थ्य संकटकाल आगामी अप्रिल ३० सम्म थपियो

by रासस

रोम – इटलीले स्वास्थ्यसम्बन्धी संकटकाललाई आगामी अप्रिल ३० सम्म बढाएको छ । कोभिड–१९ संक्रमणपछि मृत्यु हुनेको संख्या ८० हजारभन्दा बढी पुगेपछि यस महामारीबाट बढी प्रभावित यूरोपेली मुलुक इटलीले संकटकाल अप्रिल ३० सम्म बढाएको हो । 

बिहीवार सरकारद्वारा जारी विज्ञप्तिअनुसार इटलीमा अहिलेसम्म मृत्यु भएका कोभिड–१९ संक्रमितको संख्या ८० हजारभन्दा बढी पुगेको छ । 

इटालीले सन् २०२० को जनवरी ३१ देखि महामारीका कारण राष्ट्रिय संकटकालको घोषणा गरेको हो । 

इटलीले संकटकालको विस्तारसँगै बेलुका १० बजेदेखि बिहान पाँच बजेसम्मलाई निषेधाज्ञा अवधि पनि तोकिएको छ । इटलीमा संक्रमणको जोखिम भएका क्षेत्रमा नियन्त्रणका फरक फरक उपाय अवलम्बन गरिएको छ ।

सरकारले संक्रमण नियन्त्रणका लागि चौथो तहको नियन्त्रणका उपाय पनि अपनाएको छ । जस अनुसार हरेक एक लाख बासिन्दाहरू रहेका क्षेत्रमा दैनिक ५० व्यक्ति संक्रमित भएमा उक्त क्षेत्रलाई ‘ह्वाइट’ क्षेत्र मानी गतिविधि सञ्चालनमा अनुमति प्रदान गर्न सकिने जानकारी दिएको छ तर कुनै पनि इटालियाली क्षेत्र यो मापदण्डमा पर्न सफल भएको पाइदैन । 

सरकारले इटलीका २० ओटै क्षेत्रमा आन्तरिक भ्रमणका लागि पनि आगामी फेब्रुअरी १५ सम्म रोक लगाएको छ । इटलीको स्वास्थ्य मन्त्रालयद्वारा उपलब्ध गराइएको पछिल्लो तथ्यांक अनुसार इटलीमा शुक्रवार मात्र १५ हजार ७७४ थप व्यक्ति कोरोना संक्रमित भएका छन् भने ५०७ जनाको मृत्यु भएका छन् । 

यससँगै अहिलेसम्म इटलीमा संक्रमित हुनेको संख्या पाँच लाख ६४ हजार ७७४ पुगेको छ भने कुल ८० हजार ३२६ संक्रमितको मृत्यु भएको छ ।

इटलीमा बुधवार रातिसम्ममा कुल आठ लाख ८५ हजार ८१४ व्यक्तिलाई कोभिड–१९ विरूद्धको खोप दिइएको बताइएको छ ।

Facebook Comments

सम्बन्धित खवर

This website uses cookies to improve your experience. We'll assume you're ok with this, but you can opt-out if you wish. Accept Read More