Home साधारण सभा गरिमा विकास बैंकको १४औं वार्षिक साधारणसभाले माघ ३० गते, १४.२१ प्रतिशत लाभांश पारित हुने

गरिमा विकास बैंकको १४औं वार्षिक साधारणसभाले माघ ३० गते, १४.२१ प्रतिशत लाभांश पारित हुने

by अर्थन्यूज

काठमाडौं – गरिमा विकास बैंक लिमिटेडले १४औं वार्षिक साधारणसभा माघ ३० गते बोलाएको छ । कम्पनी सञ्चालक समितिको गत पुस २९ गते बसेको बैंठकले होटल पोखरा ग्राण्ड, बिरौटा, पोखरामा बिहान १०ः३० बजे सभा गर्ने निर्णय गरेको हो । 

सभाले सञ्चालक समितिले प्रस्ताव गरे बमोजिम हालको चुक्तपूँजीको १३.५ प्रतिशत बोनस शेयर र ०.७१ प्रतिशत नगद लाभांश वितरण गर्ने प्रस्ताव पारित गर्नेछ । 
सभाले आर्थिक वर्ष २०७६÷७७ को वार्षिक प्रतिवेदन माथि छलफल गरी पारित गर्नेछ । त्यस्तै आर्थिक वर्ष २०७६/७७ को लेखापरीक्षकको प्रतिवेदन सहित २०७७ असार मसान्तसम्मको वासलात, नाफा नोक्सान हिसाव विवरण र नगद प्रवाह विवरण माथि छलफल गरी पारित गर्नेछ ।

सभाले अन्य बैंक तथा वित्तीय संस्थासँग मर्जर तथा  प्राप्ति सम्बन्धी सहमतिपत्र तयार गरी हस्ताक्षर गर्न र त्यससँग सम्बन्धी कार्य गर्न सञ्चालक समितिलाई अख्तियारी दिने प्रस्ताव पनि पारित गर्नेछ । 

साधारणसभा प्रयोजनको लागि माघ १२ गतेदेखि ३० गतेसम्म शेयरधनी  दर्ता किताब बन्द (बुक क्लोज) गरिनेछ । नेपाल स्टक एक्सचेञ्ज (नेप्से) मा माघ ११ गतेसम्म कारोबार गर्ने शेयरधनीहरुले सभामा भाग लिनुका साथै प्रस्तावित लाभांश प्राप्त गर्न सक्ने छन् ।

Facebook Comments

सम्बन्धित खवर

This website uses cookies to improve your experience. We'll assume you're ok with this, but you can opt-out if you wish. Accept Read More