Home साधारण सभा सूर्या लाइफ इन्स्योरेन्सको वार्षिक साधारण सभा आज

सूर्या लाइफ इन्स्योरेन्सको वार्षिक साधारण सभा आज

by अर्थन्यूज

काठमाडौं । सूर्या लाइफ इन्स्योरेन्सले आर्थिक वर्ष २०७५/७६ को वार्षिक साधारण सभा आज माघ ५ गते बोलाएको छ । उक्त सभा होटल ह्यारिसन प्यालेस बजरंगबली मार्ग, विराटनगरमा बिहान ११ बजे हुने भएको छ। सभामा भर्चुअल माध्यमबाट हुने कम्पनीले जनाएको छ ।

सभामा आर्थिक वर्ष २०७५/७६ को मुनाफाबाट ५ प्रतिशत बोनस शेयर र ५.५२६ प्रतिशत नगद गरी कुल १०.५२६ प्रतिशत लाभांश वितरण गर्ने मुख्य प्रस्ताव पेश गर्ने भएको छ । साथै, बोनस शेयर जारी गरेपछि शेयर संरचना परिवर्तन हुने भएकाले सोही अनुसार प्रबन्धपत्र तथा नियमावली संशोधन गर्ने प्रस्ताव पनि अघि बढाउने भएको छ।

त्यस्तै, कम्पनीले हाल संस्थापक समूहको हिस्सा ७० प्रतिशत र सर्वसाधारण समूहको हिस्सा ३० प्रतिशत रहेको सेयर संरचनालाई परिवर्तन गरी संस्थापक हिस्सा ६० प्रतिशत र सर्वसाधारण हिस्सा ४० प्रतिशत बनाउन लागेको हो ।

सभा प्रयोजनका लागि कम्पनीले पुस १७ गतेदेखि पुस २४ गतेसम्म बुक क्लोज हुनेछ । जसका कारण पुस १६ गतेसम्म कायम रहने सेयरधनीले मात्र सभामा भाग लिन पाउनेछन् ।

Facebook Comments

सम्बन्धित खवर

This website uses cookies to improve your experience. We'll assume you're ok with this, but you can opt-out if you wish. Accept Read More