Home शेयर बजार सिंगटी हाइड्रो इनर्जीको आइपिओ भर्ने समय थपियाे

सिंगटी हाइड्रो इनर्जीको आइपिओ भर्ने समय थपियाे

by अर्थन्यूज

सिंगटी हाइड्राे इनर्जी कम्पनी लिमिटेडले माघ ४ गतेबाट आयोजना प्रभावित स्थानियहरूका लागि निष्कासन तथा बिक्री खुल्ला गरेकाे साधारण सेयर (आइपिओ) मा आवेदन दिने समय थपिएकाे छ । माघ १८ गतेसम्म आवेदन दिने समय राखिएकाेमा अब  समय थप गरी फागुन ३ गतेसम्म पुर्याइएकाे छ ।

कम्पनीले उद्योग प्रभावित क्षेत्र दोलखा जिल्लाको अति प्रभावित क्षेत्र बिगु र कालिन्चोक गाउँपालिकाका बासिन्दाहरुका लागि एक सय रुपैयाँ अंकित दरमा १४ करोड ५० लाख रुपैयाँ बराबरको १४ लाख ५० हजार कित्ता आईपीओ बिक्री खुला गरेकाे हो।

उक्त क्षेत्रमा बसाेबास गर्ने नेपाली नागरिकहरूले मात्र यस आइपीओमा आवेदन दिन सक्नेछन् । लगानीकर्ताले आइपीओमा न्यूनतम १० कित्ता देखि अधिकतम २ लाख कित्ताको लागि  आवेदन दिन सक्नेछन् ।

सार्वजनिक निष्काशन गर्नका लागि गराइएको क्रेडिट रेटिङ्गमा केयर रेटिङ्ग नेपालले कम्पनीलाई केयर एनपी डबल बी माइनस (आइएस) रेटिङ्ग प्रदान गरेको छ। यसले समयमा नै वित्तीय दायित्व पुरा गर्ने सम्बन्धमा मध्यम रुपमा सुरक्षित रहेको संकेत गर्दछ।

Facebook Comments

सम्बन्धित खवर

This website uses cookies to improve your experience. We'll assume you're ok with this, but you can opt-out if you wish. Accept Read More