Home बजार सोमवार पहिलो घण्टामा ३१.३७ अंकले बढ्यो नेप्से

सोमवार पहिलो घण्टामा ३१.३७ अंकले बढ्यो नेप्से

by अर्थन्यूज

काठमाडौं – सोमवार कारोबार भएको पहिलो घण्टामा नेप्से परिसूचक ३१ दशमलव ३७ अंकले बढेर २ हजार ४०१ दशमलव ९१ विन्दुमा पुगेको छ ।   

२ हजार ३७२ दशमलव शून्य ५ विन्दुबाट शुरु भएको बजार कारोबारको पहिलो घण्टामा १ दशमलव ३२ प्रतिशतले बढेको हो ।  

कारोबारको पहिलो घण्टामा प्रभु लाइफ इन्स्योरेन्सको शेयरमूल्य ९ दशमलव ९५ प्रतिशतले बढेर प्रतिकित्ता शेयरमूल्य रू. ८४० कायम भएको छ । 

पहिलो घण्टाको अवधिमा १९० ओटा कम्पनीको २० हजार ९१८ पटकको कारोबारमा २८ लाख ८४ हजार २९० कित्ता शेयरको रू. १ अर्ब ८० करोड ५४ लाख बराबरको खरीदविक्री भएको छ ।

पहिलो घण्टामा कारोबारमा आएका १२ ओटा समूहको परिसूचकमध्ये लघुवित्त र म्युचुअल फण्ड समूहको परिसूचक घटेको छ भने बाँकी बैंकिङ, व्यापार, होटल्स, विकास बैंक, जलविद्युत, वित्त, निर्जीवन बीमा, उत्पादन तथा प्रशोधन, अन्य र जीवन बीमा समूहको परिसूचक बढेको छ ।

यस अवधिसम्म नेशनल लाइफ इन्स्योरेन्स कम्पनीको सर्वाधिक कारोबार भएको छ । उक्त कम्पनीको रू. १४ करोड ३५ लाख बराबरको शेयर कारोबार भएको छ । सो अवधिसम्म कम्पनीको शेयरमूल्य रू. १ हजार २२० मा कारोबार भइरहेको छ ।

Facebook Comments

सम्बन्धित खवर

This website uses cookies to improve your experience. We'll assume you're ok with this, but you can opt-out if you wish. Accept Read More