Home यातायात नेपाल यातायातमा मुक्तिनाथ बैंकको क्यूआर सेवा, अव बस चढ्दा पैसा बोक्नु नपर्ने

नेपाल यातायातमा मुक्तिनाथ बैंकको क्यूआर सेवा, अव बस चढ्दा पैसा बोक्नु नपर्ने

by अर्थन्यूज

काठमाडौं – मुक्तिनाथ विकास बैंकले डिजिटल कारोबारलाई प्राथमिकता दिदै नेपालको यातायात क्षेत्रमा पनि क्यूआरमार्फत भुक्तानी लिने कार्य  सुरु  गरेको छ ।

काठमाडौं उपत्यकाभित्र सञ्चालनमा रहेको नेपाल यातायात ऐक्सप्रेस प्रालिसँग बैंकले सम्झौता गरी क्यूआरकोडमार्फत भुक्तानी लिने कार्य सुरु भएको हो ।
उक्त कार्यक्रमको उद्घाटन बैंक सञ्चालक समिति अध्यक्ष भरतराज ढकालले गरे ।

कार्यक्रममा बैंकका प्रमुख कार्यकारी अधिकृत प्रद्युमन पोखरेल, नेपाल यातायात समितिका अध्यक्ष गोपाल गुरुङ, बैंक कर्मचारी, यातायात व्यवसायीलगायत सहभागी थिए ।
नेपाल यातायातमा यात्रा गर्नेले बसमा भएको मुक्तिनाथ बैंकको क्यूआरकोड स्क्यान गरी डिजिटल रूपमा भाडाबापतको रकम भुक्तानी गर्न सक्नेछन् ।

यातायात क्षेत्रमा सुरु गरिएको यो व्यवस्थाले खुद्रा पैसा सटही समस्याबाट मुक्ति पाइने, नोटको हिफाजतमा वृद्धि हुनुका साथै कोरोनाबाट बच्न सहयोग पुग्ने विश्वास बैंकको छ ।

Facebook Comments

सम्बन्धित खवर

This website uses cookies to improve your experience. We'll assume you're ok with this, but you can opt-out if you wish. Accept Read More