Home बीमा २० करोड १२ लाख नाफा कमाएको सूर्या लाइफ इन्स्योरेन्सको बीमाशुल्क ७७ % ले वृद्धि

२० करोड १२ लाख नाफा कमाएको सूर्या लाइफ इन्स्योरेन्सको बीमाशुल्क ७७ % ले वृद्धि

by अर्थन्यूज

काठमाडौं – सूर्या लाइफ इन्स्योरेन्स कम्पनीले चालू आवको दोस्रो त्रैमासिक वित्तीय विवरण बुधवार सार्वजनिक गरेको छ । 

उक्त वित्तीय विवरण अनुसार कम्पनीले चालू आवको दोस्रो त्रैमासमा रू. २० करोड १२ लाख नाफा कमाएको छ । यो नाफा गत आवको दोस्रो त्रैमासको तुलनामा ३२ प्रतिशतले वृद्धि भएको हो  । कम्पनीले गत आवको दोस्रो त्रैमासमा रू. १५ करोड १९ लाख नाफा कमाएको थियो । 

चालू आवको दोस्रो त्रैमासमा कम्पनीको आम्दानीमा वृद्धि भएकासँगै नाफा बढेको हो । सोही अवधिमा कम्पनीले रू.२ अर्ब ३२ करोड २० लाख बीमाशुल्क आर्जन गरेको छ । यो बीमाुशल्क गत आवको दोस्रो त्रैमासको तुलनामा ७७ प्रतिशतले वृद्धि भएको हो । 

कम्पनीले गत आवको दोस्रो त्रैमासमा रू. १ अर्ब ३० करोड भन्दा बढी बीमाशुल्क आर्जन गरेको थियो ।  चुक्तापूँजी रू. २ अर्ब १५ करोड ५१ लाख रहेको उक्त कम्पनीले जगेडा कोषमा रू. ७२ करोड सञ्चित गरेको छ । 

त्यस्तै चालू आवको दोस्रो त्रैमाससम्ममा कम्पनीले .जीवन बीमाकोषमा रू. ९ अर्ब २८ करोड जम्मा भएको छ । कम्पनीको कुल कायम भएको बीमालेख संख्या ३ लाख २६ हजार ४९६ पुगेको छ । कम्पनीको प्रतिशेयर आम्दानी रू १८ दशमलव ६८, मूल्य आम्दानी अनुपात ३९ दशमलव ९४ गुणा र प्रतिशेयर नेटवर्थ रू. १२८ दशमलव २५ रहेको छ ।

Facebook Comments

सम्बन्धित खवर

This website uses cookies to improve your experience. We'll assume you're ok with this, but you can opt-out if you wish. Accept Read More