Home अर्थतन्त्र कर्णाली प्रदेशबाट ६ महीनामा ९० करोड राजस्व असुली

कर्णाली प्रदेशबाट ६ महीनामा ९० करोड राजस्व असुली

by अर्थन्यूज

सुर्खेत – पछिल्लो समय कर्णाली प्रदेशबाट उत्साहजनक राजस्व संकलन हुन थालेको छ । कोरोनाको प्रभाव कम भएसँगै विस्तारै आर्थिक क्रियाकलाप चलायमान हुन थालेपछि आन्तरिक राजस्व असुलीमा वृद्धि भएको हो । 

आन्तरिक राजस्व कार्यालय सुर्खेतले पछिल्लो ६ महीनामा ९० करोड ६६ हजार ७ हजार रुपैयाँ राजस्व असुली गरेको जानकारी दिएको छ । कार्यालयका निमित्त प्रमुख खडानन्द खत्रीले कोरोना महामारीका बाबजुद आन्तरिक राजस्व विभागले दिएको लक्ष्यभन्दा २८ करोड ३७ लाख ६ हजार रुपैयाँ बढी राजस्व असुली भएको जानकारी दिए । 

उनले कार्यालयलाई पछिल्लो ६ महीनामा विभागबाट ६२ करोड २९ लाख १ हजार लक्ष्य पाएकोमा १४५ दशमलव ५५ प्रतिशत अर्थात ९० करोड ६६ लाख ७ हजार रुपैयाँ असुली गरेको बताए । 

उनका अनुसार कार्यालयले पछिल्लो ६ महीनामा आयकर तर्फ ५३ करोड ८८ लाख ८९ हजार, घर बहाल कर ३ करोड १ लाख ६० हजार, व्याज कर २ करोड ३२ लाख ७७ हजार, मूल्य अभिवृद्धि कर (भ्याट) तर्फ २९ करोड ५४ लाख ९७ हजार, अन्तःशुल्कतर्फ १ करोड ८७ लाख ८३ हजार रुपैयाँ राजस्व असुली गरेको छ । 

उनले गत आर्थिक वर्षमा कर्णाली प्रदेशबाट विभिन्न शीर्षकमा १ अर्ब ५१ करोड ३५ लाख ३१ हजार रुपैयाँ राजस्व असुली भएको बताए । उनका अनुसार गत आवमा राजस्व संकलनमा ७९ दशमलव ८० प्रतिशत प्रगति भएको थियो ।

Facebook Comments

सम्बन्धित खवर

This website uses cookies to improve your experience. We'll assume you're ok with this, but you can opt-out if you wish. Accept Read More