Home विश्व फिलिपिन्समा विमान दुर्घटनामा १७ को मृत्यु, ४० जना घाइते

फिलिपिन्समा विमान दुर्घटनामा १७ को मृत्यु, ४० जना घाइते

by अर्थन्यूज

असि जना सैनिक बोकेका एक सैन्य विमान आइतबार फिलिपिन्समा दुर्घटनाग्रस्त भएको छ । विमान कागायन डी ओरो सहरबाट उडान भएको थियो । सेना प्रमुख जनरल सिरिलिटो सोबेजानाले एएफपीलाई बताए अनुसार सी-१३० विमानमा आगो लागेको थियो । यस दुर्घटनामा १७ सैनिकको मृत्यु भएको छ । यद्यपि सवार ४० जनालाई उद्धार गरिएको त्यहाँको प्रशासनले जनाएको छ। उनीहरूलाई उपचारको लागि  अस्पतालमा भर्ना गरिएको छ ।

दुर्घटनाको समयमा, विमान सुलु राज्यको जोलो टापुमा अवतरण गर्न खोजिरहेको थियो। सोबेजानाले भने कि राहत र उद्धार टोलीहरू घटनास्थल पुगेका छन् । विमानमा सवार धेरै जसो सैनिकहरूले भर्खरै आधारभूत सैन्य प्रशिक्षण लिएका थिए । यी व्यक्तिहरूलाई आतङ्कवादी गतिविधिहरू भइरहेका टापुहरूमा खटाइनु पर्ने थियो । फिलिपिन्सको यी टापुहरूमा मुस्लिम जनसङ्ख्या बहुमतमा छ । यहाँ कसैलाई फिरौतीको लागि अपहरण गर्नु सामान्य कुरा बनेको छ । त्यसैले त्यहाँ धेरै सङ्ख्यामा सिपाहीहरू राज्यद्वारा खटाइएका हुन्छन् । यो क्षेत्र दक्षिणी फिलिपिन्समा पर्दछ । अबु सयाफ नामको आतङ्कवादी सङ्गठन त्यहाँ सक्रिय छ ।

Facebook Comments

सम्बन्धित खवर

This website uses cookies to improve your experience. We'll assume you're ok with this, but you can opt-out if you wish. Accept Read More