Home कोरोना विशेष नेपालमा कोरोना संक्रमण मुक्त हुने दर ९७.२ प्रतिशत

नेपालमा कोरोना संक्रमण मुक्त हुने दर ९७.२ प्रतिशत

by अर्थन्यूज

नेपालमा सङ्क्रमणमुक्त हुने दर ९७.२ प्रतिशत रहेको छ । स्वास्थ्य तथा जनसंख्या मन्त्रालयको पछिल्लो तथ्यांकले यस्तो देखाएको हो ।

नेपालमा पछिल्लो २४ घण्टामा ७०८ जनामा कोरोना भाइरसको सङ्क्रमण देखिएको छ । यससँगै नेपालमा हालसम्म सात लाख ८५ हजार ८१३ जनामा सङ्क्रमण रहेको छ । कोभिड परीक्षण संख्याका आधारमा सङ्क्रमण दर भने १८.५ प्रतिशत रहेको छ ।

मन्त्रालयका अनुसार देशभर सक्रिय सङ्क्रमित १० हजार ९४६ जना रहेका छन् । ५०० भन्दाबढी सङ्क्रमित भएका जिल्ला चार र २०० भन्दा बढी सङ्क्रमित भएका जिल्ला १४ रहेका छन् । ५०० भन्दाबढी सङ्क्रमण हुने जिल्ला काठमाडौं, ललितपुर, भक्तपुर र कास्की रहेका छनु । सङ्क्रमित शून्य रहेका जिल्ला मुस्ताङ र मुगु रहेका छन् ।

त्यसैगरी होम आइसोलेसन १० हजार ११६, संस्थागत आइसोलेसनमा ८३० जना, सघन उपचार कक्षमा २७९ र भेन्टिलेटरमा ९१ जना रहेका छन् । अहिलेसम्म ८५ लाख ९४ हजार २७४ पहिलो मात्रा र ६५ लाख ४६ हजार २३७ पूर्ण मात्राको खोप लगाइसकेका छन् ।

Facebook Comments

सम्बन्धित खवर

This website uses cookies to improve your experience. We'll assume you're ok with this, but you can opt-out if you wish. Accept Read More