Home पर्यटन नेपाल भ्रमण दशक घोषणा गर्ने सरकारको तयारी, पर्यटन पुनरूत्थानका लागि मन्त्रालयले घोषणा गर्‍यो ७३ बुँदे कार्ययोजना

नेपाल भ्रमण दशक घोषणा गर्ने सरकारको तयारी, पर्यटन पुनरूत्थानका लागि मन्त्रालयले घोषणा गर्‍यो ७३ बुँदे कार्ययोजना

सन् २०२३–२०३३ लाई नेपाल भ्रमण दशक घोषणा गरिने

by अर्थन्यूज

सरकारले सन् २०२३–२०३३ लाई नेपाल भ्रमण दशक घोषणा गर्ने भएको छ । आइतवार संस्कृति, पर्यटन तथा नागरिक उड्डयन मन्त्रालयले पर्यटन पुनरुत्थान कार्ययोजना सार्वजनिक गर्दै यस्तो घोषणा गरेको हो । 

पर्यटनमन्त्री जीवनराम श्रेष्ठले कार्यभार सम्हाल्दा ‘रिकोभरी प्लान’ ल्याउने निर्णय अनुसार मन्त्रालयले पर्यटन पुनरुत्थान कार्ययोजना सार्वजनिक गरिएको हो । 

कार्ययोजना प्रस्तुत गर्दै मन्त्रालयका सहसचिव होमप्रसाद लुइँटेलले तीन महिनाभित्र नेपाल भ्रमण दशक घोषणा गरिसक्ने गरी तयारी गरिरहेको बताए । 

कार्यक्रममा संस्कृति, पर्यटन तथा नागरिक उड्डयनमन्त्री जीवनराम श्रेष्ठले मन्त्रालयले घोषणा गरेको ७३ बुँदे कार्ययोजनाले कोरोना महामारीले परेको असरलाई पुनरुत्थान गरी पर्यटन व्यवसाय प्रवर्द्धन हुने दाबी गरे ।

मन्त्रालयले कोरोना महामारीबाट शिथिल बनेको पर्यटन क्षेत्र पुनरुत्थानको लागि गैरआवासीय नेपाली संघको नेतृत्वमा ‘एक नेपाली एक विदेशी साथी नेपाल पठाऊ अभियान’समेत चलाउने घोषणा पनि गरेको छ । उनले सरकारले नेपाललाई विश्वको एक पर्यटन आगमनको केन्द्र बनाउने गरी काम गर्ने तयारी गरेको बताए । 

यस्तै, सरकारले प्रयोगमा नआउने विमानस्थललाई वैकल्पिक प्रयोगमा ल्याउने घोषणासमेत गरेको छ । काठमाडौं उपत्यकाभित्र रात्रिकालीन पर्यटनको प्रारम्भ र प्रवद्र्धन गर्न काठमाडौं, पाटन, भक्तपुर र कीर्तिपुरमा रात्रिकालीन सम्पदा यात्रा सञ्चालन गर्नेसमेत सरकारले घोषणा गरेको छ । उक्त सम्पदा यात्रा दुई वर्षभित्र सञ्चालन गर्ने तयारी रहेको सरकारले बताएको छ । 

त्यस्तै काठमाडौं उपत्यका लगायत अन्य पर्यटकीय स्थलमा पर्यटनको बसपार्क निर्माणको कामलाई ६ महिनाभित्र अगाडि बढाउने घोषणा गरेको छ। 

कार्यक्रममा संस्कृति, पर्यटन तथा नागरिक उड्डयनमन्त्री जीवनराम श्रेष्ठले मन्त्रालयले घोषणा गरेको ७३ बुँदे कार्ययोजनाले कोरोना महामारीले परेको असरलाई पुनरूत्थान गरी पर्यटन व्यवसायलाई प्रवर्द्धन गर्ने काम गर्ने दाबी गरे। 

‘कार्ययोजनाले नेपालको पर्यटन क्षेत्रमा कोरोना महामारीले परेको असरलाई पुनरूत्थान गरी पर्यटन व्यवसायलाई प्रवर्द्धन गर्ने काम गर्नेछ’, मन्त्री श्रेष्ठले भने, ‘नेपाल विश्वमा पर्यटन आवगमनको केन्द्र बनाउने लक्ष्य बोकेका छौं। त्यो योजनालाई पनि यो ७३ बुँदे कार्ययोजनाले मद्दत पुर्‍याउनेछ भन्ने विश्वास लिएको छौं।’ 

मन्त्री श्रेष्ठले सरकारले नेपाललाई विश्वको एक पर्यटन आगमनको केन्द्र बनाउने गरी काम गर्ने तयारी गरेको बताए। उनले विगतमा कुनै एक वर्षलाई भ्रमण वर्षको रुपमा मनाएर पर्यटन प्रवर्द्धन, पर्यटन क्षेत्रको विकास गर्ने गरिएको भए पनि वर्तमान सरकारले एक दशकलाई नै नेपाल भ्रमण वर्ष मनाउने घोषणा गरिने बताए। 

मन्त्री श्रेष्ठले नेपाल भ्रमण वर्ष दशककै रूपमा मनाउँदा पर्यटन प्रवर्द्धन र विकासको अभियान नै भएको बताए। उनले पर्यटन प्रवर्द्धन र विकासको अभियान निरन्तर रुपमा लगेमात्र सरकारले पर्यटन विकासमा लिएका लक्ष्य र चाहना पूरा हुने जिकिर गरे।

‘यो पर्यटन प्रवर्द्धन, पर्यटन विकासको अभियान हो। एकै दिनमा, एक वर्षमा कार्य सम्पन्न हुने कुरा होइन। निरन्तर रुपमा हामीले लैजानुपर्छ। त्यसो भएमात्रै सरकारले पर्यटन विकासमा लिएका लक्ष्य र चाहना पूरा गर्नसक्छौं’, उनले भने। 

मन्त्री श्रेष्ठले नेपाल भ्रमण दशक घोषणा मन्त्रालयको मात्रै नभइ सरकारको कार्ययोजना भएको बताए। उनले भ्रमण दशकबारे प्रधानमन्त्री शेरबहादुर देउवासमेत सकारात्मक रहेको बताए।

‘दशकको रुपमा नै पर्यटन वर्ष बनाएर जाने घोषणा गरेका छौं। यो पर्यटन मन्त्रालयको मात्रै नभएर सरकारको कार्ययोजना हो। प्रधानमन्त्रीज्यूले पर्यटन क्षेत्रको विकास र प्रवद्र्धनको लागि केके गर्नुपर्ने हो। अगाडि बढाउनुस् भन्नुभएको छ। सरकारको तर्फबाट के सहयोग गर्नुपर्छ गर्ने बताउनुभएको छ,’ मन्त्री श्रेष्ठले भने।

मन्त्रालयले कोरोना महामारीबाट सिथिल बनेको पर्यटन क्षेत्र पुनरुत्थानको लागि गैरआवासीय नेपाली संघको नेतृत्वमा ‘एक नेपाली एक विदेशी साथी नेपाल पठाऊ अभियान’समेत चलाउने घोषणा पनि गरेको छ। 

त्यस्तै मन्त्रालयले हिमाल आरोहणको लागि ५ हजार ८ सय मिटरदेखि ८ हजार मिटरसम्मका थप हिमचुलीहरुको आरोहण ६ महिना भित्र खुला गर्ने तयारी गरेको छ। 

त्यस्तै, प्रयोगमा नआएका विमानस्थललाई वैकल्पिक प्रयोगमा ल्याइने घोषणा समेत मन्त्रालयले गरेको छ। 

काठमाडौं उपत्यकाभित्र रात्रीकालिन पर्यटनको प्रारम्भ र प्रवर्द्धन गर्न काठमाडौं, पाटन, भक्तपुर र कीर्तिपुरमा रात्रिकालिन सम्पदा यात्रा आगामी दुई वर्षभित्र सञ्चालन गर्ने तयारी रहेको बताएको छ। 

क्लीन नेपाल, ग्रिन नेपालको अवधारणा अन्तर्गत प्रदेश, स्थानीय सरकार ,नागरिक समाज र निजी क्षेत्रसँग सहकार्य गरी महत्वपूर्ण पर्यटकीय स्थलहरुमा राष्ट्रिय सरसफाई एवं रङ,रोगन अभियान एक महिनाभित्र चलाउने घोषणा गरेको छ ।   

Facebook Comments

सम्बन्धित खवर

This website uses cookies to improve your experience. We'll assume you're ok with this, but you can opt-out if you wish. Accept Read More